Centru comercial

Centru comercial
edificio de venta al por menor (es) , retail environment (en) y organización

Un centru comercial (tamién conocíu n'inglés como shopping mall o shopping center) ye una construcción que consta d'unu o dellos edificios, polo xeneral de gran tamañu, qu'alluguen servicios, llocales y oficines comerciales apiguraos nun espaciu determináu concentrando mayor cantidá de veceros potenciales dientro del recintu.

Un centru comercial ta pensáu como un espaciu coleutivu con distintes tiendes; amás, inclúi llugares d'ociu, esparcimientu y diversión, como cines o feries de comíes dientro del recintu. Anque tea en manes privaes, polo xeneral los llocales comerciales arriéndense y viéndense de forma independiente, polo qu'esisten dellos dueños de dichos llocales, que tienen de pagar servicios de caltenimientu al constructor o a la entidá alministradora del centru comercial.